Partiya Komuniste Kurdistan KKP partiya komuniste kurdistan
İgili Yazılar
DAXWIYANIYA
Partî û Saziyên Kurdistaniyên li Ewrupa
Di demeke dirêjê ku li ser sînorê Bakûr-Başûr û bi taybetî jî li Başûr kêşe û gengeşiyek ne xêrê di rojevê de ye.
Nuha, di van rojên dawî de, li goreyî agahîyan û çepemeniyê, li gel deverên din Heftenîn, Garê, Metîna û hwd. jî lê hatine zêdekirin û zemînê şer û pevçûnê zêdetir dibe.
Bê gûman ev projeya xerabkar, gorî encamê siyaseta dagirker û qirker a Dewleta Tirk e. Ji xwe fermandarên vê siyaseta êrîşkar R.T. Erdogan û Bahçeli, dujminatiya xwe ya li dijî kurd û Kurdistanê, her roj dubare-dehbare û di ber çavên raya giştî de aşkere radigîhînin.
Gazind ji dujminan nabe, ya pêwîst berxwedan e. Belê gazind û daxwaz li tevger û rêberên kurd û Kurdistanîyan heye. Ji xwe cîhê mixabiniyê jî ev e ku neyarên me bêyî alîkariya niştecihên Kurdistanê, nikarin ewqas êrîşî ser gelê me û xaka me ya pîroz bikin.
Lê mixabin him R. Erdogan û him jî hinek rêveberên tevgerên me kurdan, bi heman zimanî di peyivin û daxûyanîyên hevpar ên dijî berjewendîyên gelê me didin. Eger ev wisa dewam bike rojên malxirabiyê û malwêraniyê, rojên birakûjiyê ne dûr in; li ber me, li ber devê deriyê me ne!
Îca em Partî û Saziyên Kurdistaniyên li Ewrupayê; vê xetera mezin dibînin û ji bo em pêşiyê li vê xeteriyê bigrin, di serî de bang li hêzên Kurdistanî yên Başûr dikin. Her wiha em bang li hemû sazî û rêxistinên Kurdistanî bi giştî jî dikin, da ku bi lezgînî helwestên xwe yên li dijî şerê navxweyî, bi dengekî bilind diyar bikin û çi ji destê wan tê nuha bikin, nehêlin sibê, dibe ku sibê dereng be!
Bêgûman em rola hêzên sereke yên PKK, PDK, YNK, GORAN û hwd. zanin, helbet banga me ya bi dengê herî bilind ji wan re ye û divê ew bi vê rola xwe ya xêrê ya Kurdistanî rabin!
Her wiha li vira bangek me ya taybetî ji Kek Mesûd BERZANÎ re heye. Em û gelê me wê gotina wî ya gotibû “heta ez hebim, ez nahêlim şerê birakujî çêbibe” ji bîr nakin.
Va ye şer li ber derî û li ber çava ye, lê ev demek dirêje bêdeng e, gelo çima? Ma nuha dengê xwe dernexe û rola xwe ne leyze û pêşî li şerê xwekujî negre, em ê kengî dengê wî bibihîzin û wî bibînin?
Em, çav li rêya xebera xêrê û helwestên neteweperwerîyê ne! Em hêvîdar in ku şerekî birakûjî çênebe, berovajî helwesta Tifaqa Neteweyî derkeve pêş, lê belê ne li dijî hev, li dijî dewleta Tirka milên xwe bidin hev!
Partî û Saziyên Kurdistaniyên li Ewrupa
• YNK (Yektiya Niştimanî Kurdistan)
• Tevgêra GORRAN
• KCDK-E (Kongra Civaka Kurdistaniyan-Ewrupa)
• TJK-E (Tevgêra Jinên Kurdistanê-Ewrupa)
• Partiya ŞÛÎ Kurdistan Basur
• Partiya Zahmetkêşan – Başûr
• PADÊ (Partiya Azadî û Demokrasiya Êzîdiya)
• Tevgêrê Azadî
• PYD (Partiya Yekîtiya Demokrat)
• P.D.K.S (Partiya demoqtat a kurdi ya sûrî)
• Partiya Çep a Kurd li Sûrî.
• Tevgera Nûjen ya Kurdistanî-Sûrya.
• PÇDKS ( Partiya çep a Demoqrat a Kurd li Sûriyê.)
• Partiya Demokrata Kurd li Sûriya( El Partî).
• Partiya Çep a Demokrat li Sûriya.
• Partiya Rêkeftin a Kurd li Sûrya.
• Partiya Çaksaziya Kurd li Sûriya.
• Partiya Kesk a Kurdistanî li Sûriya.
• Partiya Demokrata Kurdistanî li Sûrya.
• Partiya Komanist a Kurdistanî li Sûriya.
• PÎK (Partiya islamiya Kurdistan)
• KKP ( Partiya Kominista Kurdistan)
• Tevgera Kawa
• PJAK(Partiya Jiyana Azada Kurdistan)
• Yakyatî Şorşgêrî Kurdistan
• KODAR (Civaka Demokratîk û Azada Rojhelatĕ Kurdistan)
• KJAR (Civaka Jinên Rojhelatî Kurdistan)
• Platforma Horam
• Plattform Zagros
• Plattform Yarsan
• Yarî Kurd
• Tevçand (Tevgera Çand û Hunera Kurd)
• Kurdische Gemeinde Stuttgart e.V
• FEDA ( Federesyona Elewîyên Kurdistan)
• NAV – YEK (Federasyona Komelên Êzidiya)
• Kurdische Zentrum Berlin
• CIK ( Civaka Islamiya Kurdistan)
• Enstituta Kurdî – Almanaya
• Enstituta Kurdî – Bruksel
• MŞD ( Meclîsa Şingal a Derveyî Welat)
• YMK ( Yekîtîya Mamostayên Kurdistan)
• YES (Yekitiya Êzdiyên Sûri)
• Kurdisch Gemeinde Brandenburg – Berlîn
• Dachverband der Êzidischen Frauenräte
• DKF (Deutsch-kurdisches Forum) e.V Dresden
• Mezopotamya Halk Kongresi.
• Mezopotamya Özgurluk Partisi.
• Kurdistan human rights Association
