Partiya Komuniste Kurdistan KKP partiya komuniste kurdistan
İgili Yazılar
BANG
JI BO YEKÎTIYA EWRUPAYÊ
Yekîtiya Ewrupayê, divê sûcên ku dewleta tirka li ser kurdan pêkaniye paşçav neke!
Lîderên Yekîtiya Ewrupayê, di navbêna 10-11’ê Kanûnê de li Brukselê, di civîna bilind a ku ew ê çêbikin de, bi giranî ew ê têkiliyên li gel Tirkiyeyê bi nirxînin û ji bo çalakiyên ku li Deryaspî pêkaniye, ceza lê bibirin an nebirin, nîqaş bikin.
Li goreyî daxwiyaniyên sazî û nûnerên fermî yên Yekîtiyê ku dane raya giştî, mijara sereke ya rojevê ya li ser Tirkiyeyê, ew ê çalakiyên ku li Deryaspî hatine kirin be. Em, partî û saziyên bi îmzeyên xwe navên me li jêr in, vêna ne têr û ne ji dil dibînin, û em bang dikin ku divê Yekîtiya Ewrupayê, di vê civîna xwe ya bilind a di Roja Mafên Mirovan a Gerdûnî pêktînin de, sûcên ku dewleta tirka li ser gelê kurd daye meşandin bixin rojeva xwe û li goreyî vêna hilwestek rêzdar destnîşan bikin!
Yekîtiya Ewrupayê, eger ew sûcên cengê, binpêkirina mafên mirovan ên li ser kurdan hatiye kirin û bi berfirehî, him di raporên Komisyona Mafê Mirovan a Sûriyeya Miletên Yekbûyî de him di bultenên Rêxistina Efuya Navneteweyî û Rêxistina Şopdarê Mafên Mirovan de hatine diyarkirin, nexe rojeva xwe, wê wextê tê wateya ku Tirkiyeyê, ji ber wan polîtîkayên xwe yên li dijî mirovahiyê yên li Iraqê, li Sûriyeyê û li hundur dide meşandin xilatdar dike, ku ev ê jî ûjdanê mirovahiya cîhanê birîndar bike.
Tirkiyeyê, li ber çavên hemû cîhanê, bi çeteyên cîhadîst re, li Efrîn, Girêspî û Serêkaniya ku dagir kiriye, qirkirina etnîkî pêkaniye, li van deveran hemû rûmetên çandî û dîrokî talan kirine.
Her wiha, piştî dagirkirinê li van deveran, dest bi çalakiyên êşkence, tecawiz, talan, revandina mirovan kirine û li ser gelê niştecih zulum meşandine.
Tirkiyeya di bin rêveberiya faşîst a AKP-MHP’ê de ye, ji bo rojnamevanan buye weke zîndana herî mezin a cîhanê, parlementer û şaredarên kurd ên hatine hilbijartin, bi fermanên Erdogan ên huqûq nenas ve hatine destgîrkirin.
Di serî de yên bajarên mezin şwîna şaredariyên HDP’î qayûm hatine danîn, şaredarên hatine hilbijartin avêtine zîndanan, ji hinekan re bi deh salan ceza hatiye birîn.
Li aliyê din êrîşên Tirkiyeyê yên li ser kurdan û pêkanînên wan ên anti-demokratî, bi salane li Iraqê jî dom dike. Arteşa Tirka, di van salên dawî de, bi êrîşên wan hewayî, li Herêma Kurdistana Iraqê, 28 sivîlan jiyana xwe ji dest dan û bi dehan sivîl birîndar bûn.
Li vira em dikarin hijmarên bê sînor mînakan bidin, weke me da xuyakirin, vana hemû di arşîvên Yekîtiya Ewrupayê, Komisyona Ewrupayê û Parlemena Ewrupayê de hene.
E ha ji xwe ji ber vê sedemê, em bang li serkirdeya Yekîtiya Ewrupayê dikin da ku bi salane ew sûcên dewleta Tirka li dijî gelê kurd dikir ji nedîtî dihatin, çavê xwe bavêjin van raporan û li goreyî armancên saziyên Yekîtiyê tevbigerin, li mafên mirovan û azadiyên bingehîn û demokrasiyê xwedî derkevin!
Em partî û saziyên Kurd ku bi îmzeyên xwe navên me li jêr in, bibîrtîn ku Yekîtiya Ewrupayê bi ezmûnekê vê rûberû ye, em daxwaz dikin ku pêdiviyê wê pêkbîne!
Partî û Saziyên Kurdistaniyên li Ewrupa
- YNK (Yektiya Niştimanî Kurdistan)
- Tevgêra GORRAN
- KCDK-E (Kongra Civaka Kurdistaniyan-Ewrupa)
- TJK-E (Tevgêra Jinên Kurdistanê-Ewrupa)
- Partiya ŞÛÎ Kurdistan Basur
- Partiya Zahmetkêşan – Başûr
- PADÊ (Partiya Azadî û Demokrasiya Êzîdiya)
- Tevgêrê Azadî
- PYD (Partiya Yekîtiya Demokrat) • P.D.K.S (Partiya demoqtat a kurdi ya sûrî)
- Partiya Çep a Kurd li Sûrî.
- Tevgera Nûjen ya Kurdistanî-Sûrya.
- PÇDKS ( Partiya çep a Demoqrat a Kurd li Sûriyê.)
- Partiya Demokrata Kurd li Sûriya( El Partî).
- Partiya Çep a Demokrat li Sûriya.
- Partiya Rêkeftin a Kurd li Sûrya.
- Partiya Çaksaziya Kurd li Sûriya.
- Partiya Kesk a Kurdistanî li Sûriya.
- Partiya Demokrata Kurdistanî li Sûrya.
- Partiya Komanist a Kurdistanî li Sûriya.
- PÎK (Partiya islamiya Kurdistan)
- KKP ( Partiya Kominista Kurdistan)
- Tevgera Kawa
- PJAK(Partiya Jiyana Azada Kurdistan)
- Yakyatî Şorşgêrî Kurdistan
- KODAR (Civaka Demokratîk û Azada Rojhelatĕ Kurdistan)
- KJAR (Civaka Jinên Rojhelatî Kurdistan)
- Platforma Horam
- Plattform Zagros
- Plattform Yarsan
- Yarî Kurd
- Tevçand (Tevgera Çand û Hunera Kurd)
- Kurdische Gemeinde Stuttgart e.V
- FEDA ( Federesyona Elewîyên Kurdistan)
- NAV – YEK (Federasyona Komelên Êzidiya)
- Kurdische Zentrum Berlin
- CIK ( Civaka Islamiya Kurdistan)
- Enstituta Kurdî – Almanaya
- Enstituta Kurdî – Bruksel
- MŞD ( Meclîsa Şingal a Derveyî Welat)
- YMK ( Yekîtîya Mamostayên Kurdistan)
- YES (Yekitiya Êzdiyên Sûri)
- Kurdisch Gemeinde Brandenburg – Berlîn
- Dachverband der Êzidischen Frauenräte • DKF (Deutsch-kurdisches Forum) e.V Dresden
- Mezopotamya Halk Kongresi.
- Mezopotamya Özgurluk Partisi.
- Kurdistan human rights Association
