Partiya Komuniste Kurdistan KKP partiya komuniste kurdistan
İgili Yazılar
Partiyên Kurdistanî yên li Ewropayê girtina Guven şermezar kirin
“Di şexsê Leyla Guven de, ji bo rêya azadiyê û têkoşînê ya li dijî faşîzmê, em ê bi biryar bin û bi paş ve gavê navêjin.”
Partî û Saziyên Kurdistanî yên li Ewropayê têkildarî girtina Hevseroka KCD’ê Leyla Guven daxuyaniyeke hevpar dan.
Di daxuyaniyê de hate gotin, “Di kesayetiya Leyla Guven de êrişî îradeya gelê Kurd hatiye kirin. Bi dewamkirina sîstema tecrîdê ya Îmraliyê tirs xistiye nava civakê û bi vî rengî welat veguherandine zîndaneke servekirî ku kesek lê ne azad e.”
Daxuyaniyê wiha dewam kir:
“Rejîma Erdogan a faşîst, ji bo ser qeyran û biketina xwe binuxumîne, li hundur bi birêvebirina faşîzma har û li derve jî bi meşandina terorê, di serî de gelê kurd, jin, zarok, temendirêj, karker, bêkar, hejar, rewşenbîr, demokrat, hemû civaka dijber xistiye bin zexta tecrîdeke pir giran û bi vî awayî hewl dide temenê xwe dirêj bike.
Ji bo dengê civakê bide qutkirin, bi dîlgirtina hilbijartiyan, bi desteserkirina şaredariyên bi dengê gelan hatine hilbijartin û li şûna wan danîna qeyûmên talanker û diz, zulma faşîst xurtir dike.
Leşker, polîs bi hemû amûrên zordariyê tirsê û qirkirinê li ser civakê ferz dikin. Zarokên gelê Kurd bi berxwedana xwe bersivê didin van zextan. Jina Kurd li hemberî van êrîşan weke bendan bi dirûşmên ‘Jin Jiyan Azadî’ bersivê dide. Li Tirkiyeyê karker, kedkar, jin, berxwedêr, şoreşger, demokrat û rewşenbîr bi bilindkirina dengê xwe bersivê didin faşîzme.
Girtiyên ku bi ruhê girtîgeha Amedê li dijî faşîzmê serî hildan, li her deverê bi dirûşma ‘hundir li derve ye, derve li hundur e’ bersivê didin. Rejîma Erdogan a faşîst bêhêvî ye, pergala Faşîzme diheje, hildiweşe û ber bi dawiyê diçe. Ew dixwaze hêza xwe bi hedefgirtina pêşengên gel û jinan nîşan bide. Ji ber vê yekê Hevseroka KCD’ê Leyla Guven kir hedef.
Endama HDP’ê Leyla Guven ku parlamenteriya wê hate betalkirin, bi hinceta ‘endamtiya rêxistina terorê’ 22 sal cezayê zîndanê lê hat birîn. Dadgehê û Dozger, li ser daxwaza Erdogan ê faşîst, ji bo Leyla Guven biryara girtinê da û cezayê 22 sala lê birîn.
Armanca Faşîzme ew e ku bi krîmînalîzekirina KCD’ê rol û rastiya civake tarî bike.
Ne tesadûf e ku KCD a ku ji bo yekîtiya neteweyî gavên girîng avêt, di pêvajoya ku li her deverê êrîşek dijraber a li dijî gelê Kurd berdewam dike û dixwazin planên qirkirinê li ser gelê Kurd bixin meriyetê, hate hedefgirtin.
Gelê Kurd û zarokên wan, rewşenbîr, şoreşger, demokrat, jin, kedkar, civan serî li ber rejîma Erdogan a faşîst û terora faşîst netewînin. Di şexsê Leyla Guven de, ji bo rêya azadiyê û têkoşînê ya dijî faşîzmê, em ê bi biryar bin û bi paş ve gavê navêjin.
Em partiyên siyasî, sazî û rêxistinên Kurdistanî, bang li gelê xwe, hemû komên şoreşger, demokrat, rewşenbîr û dijberan dikin ku li her devera lê dimînin çalakiyan li dar bixin û em dengê azadiyê bilind bikin û rûyê dijminê Kurd û rejîma dîktator Erdogan ê faşîst li ber raya giştî eşkere bikin!
PARTÎ Û SAZIYÊN KURDISTANIYÊN LI EWROPAYÊ
YNK (Yektiya Niştimanî Kurdistan)
Tevgêra GORAN
KCDK-E (Kongra Civaka Kurdistaniyan-Ewrupa)
TJK-E (Tevgêra Jinên Kurdistanê-Ewrupa)
Partiya ŞÛÎ Kurdistan Basur
Partiya Zahmetkêşan – Başûr
PADÊ (Partiya Azadî û Demokrasiya Êzîdiya)
Tevgêrê Azadî
PYD (Partiya Yekîtiya Demokrat)
P.D.K.S (Partiya demoqtat a kurdi ya sûrî)
Partiya Çep a Kurd li Sûrî.
Tevgera Nûjen ya Kurdistanî-Sûrya.
PÇDKS ( Partiya çep a Demoqrat a Kurd li Sûriyê.)
Partiya Demokrata Kurd li Sûriya( El Partî).
Partiya Çep a Demokrat li Sûriya.
Partiya Rêkeftin a Kurd li Sûrya.
Partiya Çaksaziya Kurd li Sûriya.
Partiya Kesk a Kurdistanî li Sûriya.
Partiya Demokrata Kurdistanî li Sûrya.
Partiya Komanist a Kurdistanî li Sûriya.
PÎK (Partiya islamiya Kurdistan)
KKP ( Partiya Kominista Kurdistan)
Tevgera Kawa
PJAK(Partiya Jiyana Azada Kurdistan)
Yakyatî Şorşgêrî Kurdistan
KODAR (Civaka Demokratîk û Azada Rojhelatĕ Kurdistan)
KJAR (Civaka Jinên Rojhelatî Kurdistan)
Platforma Horam
Plattform Zagros
Plattform Yarsan
Yarî Kurd
Tevçand (Tevgera Çand û Hunera Kurd)
Kurdische Gemeinde Stuttgart e.V
FEDA ( Federesyona Elewîyên Kurdistan)
NAV – YEK (Federasyona Komelên Êzidiya)
Kurdische Zentrum Berlin
CIK ( Civaka Islamiya Kurdistan)
Enstituta Kurdî – Almanaya
Enstituta Kurdî – Bruksel
MŞD ( Meclîsa Şingal a Derveyî Welat)
YMK ( Yekîtîya Mamostayên Kurdistan)
YES (Yekitiya Êzdiyên Sûri)
Kurdisch Gemeinde Brandenburg – Berlîn
Dachverband der Êzidischen Frauenräte
DKF (Deutsch-kurdisches Forum) e.V Dresden
Mezopotamya Halk Kongresi.
Mezopotamya Özgurluk Partisi.
Kurdistan human rights Association
