Tuesday , May 17 2022
Home / Uncategorized @Kr / Li Şingalê Xwedîderketin û Ji Bo Wê Rabûna Serpiyan, Peywirek Netewî Ye!

Li Şingalê Xwedîderketin û Ji Bo Wê Rabûna Serpiyan, Peywirek Netewî Ye!

Li Şingalê Xwedîderketin û Ji Bo Wê Rabûna Serpiyan, Peywirek Netewî Ye!

Hemû êrişên ji holê rakirinê yên li dijî Rêveberiya Xweser a Şengalê, YJŞ/YBŞ, Asayişa Êzîdxanê û saziyên îradeya azad yên Şengalê, li hemberî tevahiya Kurdistan û gelê Kurd tên kirin. 

Di 9‘ê Cotmeha 2020‘an de, li dijî civaka Êzîdî û warê wî yê pîroz Şengalê, di encama lihevkirina di navbera rejima faşîst ya Erdoğan, PDK û hikûmeta Kazimî de, peymanek hat îmzakirin. Peymana ku di navbera Hewlêr-Bexdayê de, bi armanca ji holê rakirina deskeftiyên civaka Êzîdî û pêşîvekirina fermanek nû hatî îmzakirin, tevî nerazîbûna tevahiya civaka Êzîdî û gelê Kurdistanê jî, bi hemû dijwariya xwe di meriyetê de ye. Ev zêdetirî 5 meh in ku gelê Kurd, sazî û rêxistinên wê bi civaka Êzîdî û berxwedana wê re, di nav piştgirî û çalakiyan de ne. Her weha bi dehê caran bang li hikûmetên HewlêrBexdayê dikin da ku ew, ev peymana ku ne di berjewendiyê civaka Êzîdî, Kurdistan û Iraqê de ye batal bikin. Lê mixabin hemû hewldan û bangên me ji aliyê hêzên ku ev peyman îmza kirine ji nedîtî ve tên û ew bi israr dixwazin pîlana qirkirinê ya li dijî civaka Êzîdî û gelê Kurd ku li pişt wê diktator Erdogan û dewleta qirker û faşîst ya Tirk heye, bicih bînin û bidin meşandin. 

Peymana 9’ê Cotmeha 2020‘an berdewamiya kopmlo û qirkirina ku ev 22 sal in li dijî gelê Kurd-Kurdistan û herêmê tê meşandin e.  Îmzakirina wê ya di wê rojê jî ne tesaduf e. Ya ku me wek sazî û rêxistinên Kurd herî zêde di êşîne û bi me re bêzaririyê çêdike, ewa ku hêzêk ku qaşo navê Kurd û Kurdistanê li xwe kiriye, di vê roja komplo û qirkirinê de, bi dijminên gelê Kurd û Kurdistanê dibe yek, tevlî pîlan û projeyên wan yên qirkirinê dibe û peymanan îmza dike. 

Bicihanîna vê peymanê bicihanîna siyaseta Erdogan û Osmanitiya nû ya serdemê ye. Dewleta Tirk û Erdogan dixwazin bi têkbirina îradeya azad ya civaka Êzîdî û dagirkirina Şengalê re, siyaseta şer û dagirkirina li Kürdistan û tevahiya herêmê bi lêztir û encam bikin. Êrişên li ser Şengalê, Bakur, Rojava û Başûrê Kurdistanê bi yek armancê tên kirin û ji hevdu ne qut in. Dewleta Tirk bi fetihkirina Şengalê re dixwaze tevahiya Kurdistanê fetih û dagir bike. 

Dewleta Iraqê ji dixwaze gef, êriş û siyaseta qirkirinê yê dewleta Tirk ji bo berjewendiyên xwe bikar bîne. Bi Erdogan civaka Êzîdî tehdît dike û dixwaze hemû deskeftiyên ku piştî fermanê bi xwîna hazaran cangorî û qurbanî hatîn bidestxistin ji holê rake û siyaseta xwe ya şovenîst li Şengal û Kurdistanê xûrt bike. Bi vê armancê herî dawî 24 saet mohlet dan civaka Êzîdi ku hêz û îradeya xwe ya azad tasfiye bike û teslîm bibe. Li dijî vê yekê civaka Êzîdî di nav berxwedanek bi rûmet, pîroz û dîrokî de ye. Civaka Êzîdî di parastina îradeya xwe ya azad û deskeftiyên xwe de bi israr û biryar e. 

Em wek sazî û rêxistinên Kurd vê berxwedana rûmet û dîrokî ya civaka Êzîdî silav û pîroz dikin. Em ê bi hemû hêza xwe li civaka Êzîdî û berxwedana wê ya ji bo rûmeta Kurd û Kurdistanê xwedî derkevin û nehêlin ku carekdin Ferman û qirkirin bên serê wê û axa wê ya pîroz Şengalê. Bi vê armancê em bang li hemû gelê Kurd û Kurdistaniyan dikin ji bo Şengalê li ser piyan bin. Heya ku Şengal û civaka Êzîdî nekeve man aramî û ewlehiyê divê rojeva me Şengal be. Ewlehî û aramiya Kurd û Kürdistanê di Şengalê de derbas dibe. 

Em di dawiyê de bang li PDK û hikûmeta Hewlêrê jî dikin ku dev ji vê siyaseta xwe ya bê oxir berdin û bela xwe ji civaka Êzîdî û Şengalê berdin. Êdî bes Şengal û civaka Êzîdî bikin hedef ji hêzên dagirker re. Tiştê ku hûn bi navê Kurditiyê dikin ji bona Kurd û Kurdistanê rûreşiye. Dev ji vê rûreşiyê berdin.

Rêxistinên Partî û Saziyên Kurdistanî yên li Ewrupa

  • YNK (Yektiya Niştimanî Kurdistan)
  • Tevgêra GORRAN
  • KCDK-E (Kongra Civaka Kurdistaniyan-Ewrupa)
  • TJK-E (Tevgêra Jinên Kurdistanê-Ewrupa)
  • Partiya ŞÛÎ Kurdistan  Basur
  • Partiya Zahmetkêşan – Başûr
  • PADÊ (Partiya Azadî   û Demokrasiya Êzîdiya)
  • Tevgêrê Azadî  
  • PYD (Partiya Yekîtiya Demokrat) • P.D.K.S (Partiya demoqtat a  kurdi ya  sûrî)
  • Partiya Çep  a Kurd    li Sûrî.    
  • Tevgera Nûjen  ya Kurdistanî-Sûrya.
  • PÇDKS ( Partiya çep a Demoqrat a   Kurd li Sûriyê.)             
  • Partiya Demokrata Kurd    li Sûriya( El          Partî).
  • Partiya Çep      a Demokrat li           Sûriya.
  • Partiya Rêkeftin a           Kurd li           Sûrya.
  • Partiya Çaksaziya Kurd    li Sûriya.
  • Partiya Kesk    a Kurdistanî li Sûriya.
  • Partiya Demokrata Kurdistanî li           Sûrya.
  • Partiya Komanist a Kurdistanî li Sûriya.
  • PÎK (Partiya islamiya Kurdistan)
  • KKP     ( Partiya Kominista Kurdistan)
  • Tevgera Kawa  
  • PJAK(Partiya Jiyana  Azada Kurdistan)
  • Yakyatî Şorşgêrî Kurdistan
  • KODAR (Civaka Demokratîk û           Azada Rojhelatĕ Kurdistan)
  • KJAR (Civaka Jinên Rojhelatî Kurdistan)
  • Platforma Horam
  • Plattform Zagros
  • Plattform Yarsan
  • Yarî      Kurd
  • Tevçand (Tevgera Çand    û Hunera Kurd) 
  • Kurdische Gemeinde Stuttgart e.V       
  • FEDA   ( Federesyona Elewîyên Kurdistan)
  • NAV – YEK (Federasyona Komelên Êzidiya)
  • Kurdische Zentrum Berlin 
  • CIK  ( Civaka Islamiya Kurdistan)
  • Enstituta Kurdî  – Almanaya
  • Enstituta Kurdî  – Bruksel
  • MŞD     ( Meclîsa Şingal  a Derveyî Welat)
  • YMK    ( Yekîtîya Mamostayên Kurdistan)
  • YES (Yekitiya Êzdiyên Sûri)   
  • Kurdisch Gemeinde Brandenburg – Berlîn                        
  • Dachverband der Êzidischen Frauenräte • DKF (Deutsch-kurdisches Forum) e.V        Dresden
  • Mezopotamya Halk Kongresi.
  • Mezopotamya Özgurluk Partisi.
  • Kurdistan human rights Association

Bölüme ait diğer yazılardan!

EM DÎSA DERKETIN

EM DÎSA DERKETINEz îro hîn bûm; Nexweşiya penceşêrê rêhevalekî me ji jiyanê û me veqetand.Me …