Partiya Komuniste Kurdistan KKP partiya komuniste kurdistan
İgili Yazılar
JI DAGIRKIRIN Û ŞER RE NA!
Dewleta Tirk a faşîst a dagirker, kolonyalîst xwe amade dike ku li herêmê defê şer ji nû ve çalak bike.
Ji bo berjewendiyên xwe yên emperyal dixwaze gelê me û gelên herêmê bitirsîne.
Bi dengên AKP, MHP û ÎYÎ PARTIYÊ, ji bo operasyonên li derveyî sînor û dagirkeriya artêşa Tirk a faşîst, Iraq û Sûriyeyê, erka şer 2 salên din hat dirêjkirin.
Desthilatdariya faşîst a AKP-MHP’ê pêşnûmeya şer dîsa anî rojeva Meclisa Mezin a Tirkiyeyê û qebûl kir. CHP’a ku ji sala 2012’an û vir ve her cure biryarên şer erê kir, vê carê bi HDP’ê re dengê ‘na’ da. Bi salan e Meclîsa Mezin a Tirkiyeyê veguheriye navenda erêkirina şer. Aritmetîka MMT’da ya herî zêde heye ku desthilatdariya şer bigire. Dewleta Tirk a faşîst ku desthilatdariya xwe ya şer 2 salên din dirêj kir, bi dengekî şovenî wê êrîşî hemû gelên herêmê û bi taybet gelên li Kurdistanê bike. Dewleta Tirk a dagirker û kolonyalîst dixwaze dagirkeriya li Kurdistanê bidomîne û herêmên xwe yên dagirkeriyê berfirehtir bike. Şanoya pêşkêşkirin û pesendkirina pêşnûmeya şer a ji bo Meclîsê, ji bo “meşrûkirina” vê planê tê lîstin, tê wateya xwîn, hêsir û wêraniya zêdetir ji bo gelên Kurdistan û herêmê.
Şer û biryara dagirkeriyê tê wateya wêrankirina malên gelên Bashûr û Rojavayê Kurdistanê û rijandina xwînê. Fermana şer tê wateya têkbirina hemû çavkaniyên mirovî û madî yên hemû mafên herêmê û bi taybet destkeftiyên gelê me. Fermana şer tê wateya tunekirina xwezayê… Fermana şer tê wateya xizanî, birçîbûn, rondikrin û koçberiyê… Fermana şer tê wateya şîdeta li ser jinê û serdestiya zîhniyeta serdest a mêr…
Bi kurtasî ev biryar îlana dijminatiya Kurd û Kurdistanê ye. Dewleta Tirk a faşîst ku her roj Başûrê Kurdistanê bombebaran dike, li dijî gerîlayên PKK’ê û gelê me yê sivîl jî gaza kîmyewî bikar tîne. Dewleta faşîst a ku rêgezên şer nas nake, her roj sûcekî nû yê şer dike.
Her roja ku derbas dibe, krîza di aboriya Tirkiyê de kûrtir dibe û ber bi binî ve her ku diçe xirabtir dibe. Rejîma Erdogan a faşîst ku li hemberî krîzên aborî û siyasî bêçare maye, wê bi fermana şer êrîşên xwe yên qetlîamker kûrtir bike.
Bi biryara şer a dewleta Tirk a faşîst, rejîma Erdogan-Bahçelî li dijî rêxistinên terorê; Dixwaze bêhnekê bide OSO, DAIŞ û El Nûsra. Qanûna şer erka wan e ku zêdetir jin, kal û pîr bikujin.
Çareserkirina şer, hewldana desthilatdariya faşîst a AKP-MHP’ê ye, ku roj bi roj desteka xwe ya civakî winda dike, ji bo xebatên hilbijartinê yên pêş me bi manîpulekirina gelê xwe, ji bo xwe û hevkarê xwe yê biçûk desteka dengan bide.
Desthilatdariya faşîst a AKP-MHP’ê ji bo armancên xwe yên sala 2023’an bi vî rengî polîtîkayên xwe yên li ser xwîna zarokên gel kom dike.
Weke Partiya Komunista Kurdistanê -KKP banga me ji gelê xwe û gelên Tirkiyeyê re ye; Werin em li dijî pêşnûmaya şer helwesteke hevpar nîşan bidin; Werin em bi gelê xwe û gelên herêmê re têkoşîna yekbûyî ya şoreşgerî bilind bikin.
Bijî têkoşîna şoreşgerî ya gelê me ya li dijî şer!
PARTIYA KOMINSİT A KURDISTAN (KKP)
Komîteya Navendî
27 Cotmeh, 2021
