Wednesday , February 1 2023
Home / Uncategorized @Kr / Werin Em bi Ruhê Yekîtiya Netewî Bikaranîna Çekên Kîmyewî yên Tirk li Kurdistanê Bidin Sekinandin!

Werin Em bi Ruhê Yekîtiya Netewî Bikaranîna Çekên Kîmyewî yên Tirk li Kurdistanê Bidin Sekinandin!

Werin Em bi Ruhê Yekîtiya Netewî Bikaranîna Çekên Kîmyewî yên Tirk li Kurdistanê Bidin Sekinandin

Werin em bi ruhê yekitiya netewî rabin ser piyan û dawî li talan, dagirkerî û êrîşên kîmyewî yên li ser erdnîgariya Kurdistanê li dijî hebûna gelê Kurd, bînin.

Desthilatdariya nîjadperest a AKP-MHP’ê ji bo ku ji qeyrana kûr a ku tê de ye derbas bike û berdewamiya xwe teqez bike, li erdnîgariya Kurdistanê qirkirina Kurdan di asta herî jor de pêk tîne.

Dewleta Tirk bi xeyalên osmanîzma nû êrîş dike û dixwaze Kurdistan û herêmê ku ew jê re peymana neteweyî (Mîsak-i Mîllî) dibêjin, ji nû ve dagir bike. Li Bakurê Kurdistanê bi êrîşên xwe yên li ser Başûr, Rojava, Şengal û Mexmûrê, bi operasyonên qirkirina siyasî yên li Bakurê Kurdistanê êrîşî hemû nirx û saziyên li ser navê Kurdayetiyê dike. Bi vê yekê jî têr nabin, nahêlin ku rewşenbîrên xwedî wijdan û parêzvanên mafên mirovan ên mîna Şebnem Korur Fincanci jî li hemberî qetlîamên li Kurdistanê bi vîneke ronak, bîr û ramanên xwe bînin ziman.

Dixwaze bi polîtîkayên dagirkerî û qetlîamê yên li Kurdistanê, bi hemû derfet û îmkanên xwe, bi rêbazên herî qirêj encam bigire. Dewleta Tirk a ku di encama berxwedana gerîlayên azadiyê û gelê Kurdistanê de têk çû, ji bo ku destkeftî û siberoja hemû gelê Kurdistanê tine bike, di 100’emîn salvegera Lozanê de xeyalên xwe pêk bîne, bi tinehesabandina peyman û qanûnên navneteweyî û bi bikaranîna çekên kîmyewî dixwaze encamê bigre. Êrîş û dagirkeriya ku berdewam dike li dijî tevahiya erdnîgariya Kurdistanê ye û erdnîgariya Kurdistanê bi giştî di nava qirkirinê de ye.

Ji ber ku kurd beriya sedsalê bê rêxistin, bê sazî û bêparastin bûn, desthilatdaran Kurdistan kirin çar parçe û xwestin bi polîtîkayên dagirkerî û dagirkirinê bên tunekirin.

Weke sazî û partiyên Kurdistanî yên li Ewropayê banga me ji hêz û saziyên navneteweyî re; Gelê Kurdistanê êdî bi rêxistin, hişmendî, xwedî sazî û hêzên xweparastinê ye û diyar e ku hem garantiya herêmê ye û hem jî hêzeke ku bi fikra demokrasî, azadî, wekhevî û azadiya jinê li herêmê nayê paşguhkirinê ye. Hêzên navmeteweyî li herêmê, divê li dijî komkujî û êrîşên li Kurdistanê derkevin û bi bêdengmayînê nebin şirîkê wan.

Dîsa em weke sazî û partiyên Kurdistanî yên li Ewropayê divê bibînin ku çekên kîmyewî yên dewleta Tirk li dijî gerîlayên azadiyê yên li Kurdistanê, gelê sivîl û li ser xwezaya me bi kar tîne, êrîşa li dijî hemû Kurdistanî û gel û baweriyên li herêmê ye. Ji ber ku berxwedana gerîlayên azadiyê, bi berxwedana xwe xeyalên dewleta Tirk a nû ya Osmanî ya dagirkirina herêmê têk dibe, dibe hedefa êrîşan. Em weke saziyên Kurdistanî, mîna 1988’an li Helepçeyê li hemberî bikaranîna çekên kîmyewî bedengmayînê û bi salan şûnde jî vê qetlîamê bilêvkirinê qebûl nakin û weke heqaret dibînin.

Erka OPCW ya ku bi îradeya 193 welatan hatiye avakirin, heyetekê bişîne herêmê û li ser bikaranîna çekên kîmyewî ku daxwazên Kurdistaniyan û saziyên cuda yên Ewropayê ye, lêkolînê bike. Heta ev daxwaz pêk neyê wê çalakiyên me yên demokratîk bidomin.

Em weke sazî û partiyên Kurdistanî yên li Ewropayê yên li jêr îmze kirine, bang li hemû Kurdistaniyan dikin ku li dijî êrîşên kîmyewî ji bo parastina ax, rûmet û siberoja xwe bi ruhê yekitiya neteweyî seferberiyeke xurt pêk bînin.

Ji ber vê yekê, em bang li hemû sazî, rêxistin, partî yên Kurdistanê, jin, ciwan, zarok, temendirêj, saziyên olî û kesên ku xwediyê wîjdan dikin ku bi sekna ruhê yekîtiya netewî û bi perspektîfa “Li Hemberî Çekên Kîmyewî Roja Greva Netewî Li Derveyî Welat”, bi beşdariya Almanya, Bakurê Fransa, Swîsrê, Hollanda û Belçîkayê, tev li di serî de meşa navendî ya li Dusseldorfê, her wiha çalakî û meşên ku di 12 Mijdarê de li welat û eyaletên din bên lidarxistin, bibin.

Rêxistinên Partî û Saziyên Kurdistanî yên li Ewrupa

• YNK (Yektiya Niştimanî Kurdistan)
• Tevgêra GORRAN
• KCDK-E (Kongreya Civakên Demokratîk ên Kurdistaniyên li Ewrupa) KUR
• TJK-E (Tevgêra Jinên Kurdistanê-Ewrupa)
• Partiya ŞÛÎ Kurdistan Basur
• Kongra Star (Rêxistna Jin Rojava, Bakur-Rojhilatê Sûryê) Europe
• Partiya Zahmetkêşan – Başûr
• PADÊ (Partiya Azadî û Demokrasiya Êzîdiya)
• Tevgêrê Azadî
• PYD (Partiya Yekîtiya Demokrat)
• P.D.K.S (Partiya demoqrat a kurdî ya sûrî )
• Partiya Çep a Kurd li Sûrî.
• Tevgera Nûjen ya Kurdistanî-Sûrya.
• PÇDKS ( Partiya çep a Demoqrat a Kurd li Sûriyê.)
• Partiya Demokrata Kurd li Sûriya( El Partî).
• Partiya Çep a Demokrat li Sûriya.
• Partiya Rêkeftin a Kurd li Sûrya.
• Partiya Çaksaziya Kurd li Sûriya.
• Partiya Kesk A Demokrat Kurdistanî li Sûriya.
• Partiya Demokrata Kurdistanî li Sûrya.
• Partiya Komanist a Kurdistanî li Sûriya.
• PÎK (Partiya islamiya Kurdistan)
• KKP ( Partiya Kominista Kurdistan)
• Tevgera Kawa
• PJAK(Partiya Jiyana Azada Kurdistan)
• Yakyatî Şorşgêrî Kurdistan
• KODAR (Civaka Demokratîk û Azada Rojhelatĕ Kurdistan)
• KJAR (Civaka Jinên Rojhelatî Kurdistan)
• Platforma Horam
• Plattform Zagros
• Plattform Yarsan
• Yarî Kurd
• Partiya Dimokrati Pêşvero kurdi Li Surîya
• Tevçand (Tevgera Çand û Hunera Kurd)
• Kurdische Gemeinde Stuttgart e.V
• FEDA ( Federesyona Elewîyên Kurdistan)
• NAV YEK (Navenda Mal û Komelê êzdiyan)
• Kurdische Zentrum Berlin
• CIK ( Civaka Islamiya Kurdistan)
• Enstituta Kurdî – Almanaya
• Enstituta Kurdî – Bruksel
• MŞD ( Meclîsa Şingal a Derveyî Welat)
• YMK ( Yekîtîya Mamostayên Kurdistan)
• YES (Yekitiya Êzdiyên Sûri)
• Kurdische Gemeinde zu Berlin-Brandenburg e.V.
• Dachverband der Êzidischen Frauenräte
• DKF (Deutsch-kurdisches Forum) e.V Dresden
• Mezopotamya Halk Kongresi.
• Mezopotamya Özgurluk Partisi.
• Kurdistan human rights Association
• Civaka Kurd ji bo Neteweyên Yekbûyî
• Partiya Roj

Bölüme ait diğer yazılardan!

VEXWENDİNNAME!

Vexwendinname… Em rêxistinên;partî û saziyên ku li jêr îmzeyê wan hene bangawaziya “Xwedîderketina Şoreşa Rojava” …